एकनाथ शिंदेंच्या ठाण्यात भाजपची पहिली उमेदवार यादी जाहीर

NewsZenn Oct 21, 2024 234 0

ठाणे: विधानसभा निवडणूक तोंडावर आल्याने सर्व राजकीय पक्ष जोरदार तयारीत आहेत. भाजपने नुकतीच ठाण्यातून निवडणूक लढवणाऱ्या 10 उमेदवारांची पहिली यादी जाहीर केली आहे. या यादीतून भाजपच्या उमेदवारांचा भाग आणि निवडणूक रणनीती स्पष्ट होत आहे. चला, या यादीतील महत्वाचे मुद्दे पाहूया.

गोळीबार प्रकरणी जेल मध्ये असलेल्या आमदार गणपत गायकवाड यांची पत्नी सुलभा गायकवाड यांना दिली भाजपाने कल्याण पुर्वेतून उमेदवारी दिली आहे.
ठाणे जिल्ह्यातील विद्यमान आठही आमदारांना भाजपाने उमेदवारी दिली आहे.
ऐरोलीतून गणेश नाईक यांना उमेदवारी मिळाली त्यामुळे ते आता शरद पवार गटात जाण्याच्या चर्चेला पुर्ण विराम मिळाला आहे.
तर, बेलापूरमधून विद्यमान आमदार मंदा म्हात्रे यांनाच पुन्हा भाजपाने उमेदवारी दिलीये ही जागा गणेश नाईक परीवार मागत होतं, त्यामुळे आता इथे नाईक परीवार काय करतात हे पहावं लागेल.
ठाणे शहर मतदार संघातून पुन्हा विद्यमान आमदार संजय केळकर यांना उमेदवारी दिली आहे.
भिवंडी पश्चिम येथे पुन्हा विद्यमान आमदार महेश चौगुले यांना उमेदवारी
मुरबाड मधून देखील भाजपा विद्यमान आमदार किसन कथोरे यांना पुन्हा संधी भाजपने दिली आहे.
भाजपाने पनवेलमधून प्रशांत ठाकूर
उरण मधून महेश बालदी यांना पुन्हा संधी दिलीये.
मिरा भायंदरला भाजपाने पहिल्या यादीत उमेदवार दिला नाही, विद्यमान अपक्ष आमदार गिता जैन यांना भाजपा उमेदवारी देण्याची शक्यता

यासोबतच ठाणे जिल्ह्यात 2019 च्या निवडणुकीत 18 पैकी 8 आमदार निवडून आले होते.

संभाव्य वाद आणि चर्चांचे मुद्दे

भाजपने कल्याण पूर्वेतील उमेदवारी सुलभा गायकवाड यांना दिल्याने शिवसेनेचे महेश गायकवाड बंडखोरी करू शकतात, अशी शक्यता आहे. नगरसेवक निलेश शिंदे यांना शिवसेनेतून कल्याण पूर्व मतदारसंघात उमेदवारी देण्याची चर्चा होत आहे.

त्याचप्रमाणे मिरा भायंदरमधून गिता जैन यांना महायुतीतून उमेदवारी मिळणार असल्याच्या चर्चाही सुरु आहेत. मात्र, गिता जैन भाजपाकडून किंवा शिवसेनेकडून निवडणूक लढवणार का, हे अद्याप स्पष्ट झालेले नाही.

या यादीतून भाजपने ठाण्यातील राजकीय वातावरणात एक स्पष्ट संदेश दिला आहे. विद्यमान आमदारांना पुन्हा उमेदवारी देण्यामुळे ते आपली सत्ता कायम राखण्याचा प्रयत्न करत आहेत. मात्र, विरोधकांच्या संभाव्य प्रतिस्पर्ध्यांच्या हालचालींवर लक्ष ठेवणे आवश्यक आहे. पुढील निवडणुकांची तयारी अधिक रोचक ठरणार आहे.